كوشي بتتصل بأرناف كتيير وهو ما بيرد وهي خايفة وانجالي بتخاف وبتحكيلها انا حاسة انو في شي مو منيح رح يصير وكوشي بتفكر بالمفاجأة اللي حكى عنها ارناف وهي خايفة .. بيوصل ارناف ع البيت وبيعتذر من كوشي لانو ما رد على اتصالتها وبيطلع ع شيتال وبيبتسم وبيحكيلها بتعرفي مين شفت اليوم وشيتال مصدوومة وبتسألو مين وهي خايفة وارناف بيحكيلها انا قابلت برناف وشيتال مصدوومة وبيدخل برناف ع البيت وبيحكي انو شيتال ما اتصلت فيه من فترة وشيتال بتتوتر وبتقول انو كان قصدها على واحد تاني .. ارناف بيقول هلا رح تبدأ الحفلة وانا رح ادعو بعض الناس للحفلة وبتدخل صاحبة البيت اللي كانت فيه شيتال وبتحكيلهم انو شيتال صارلها فترة طوويلة ما دفعت الايجار وهي بتتهرب منها وانجالي مصدوومة وبتقول بس شيتال كانت عايشة بامريكا ! وارناف بيقول انو كل شي قالتو شيتال كذب .. وبيدخل مدرب السلة اللي درب اراف ع كرة السلة وبيحكيلهم انو شيتال طلبت منو انو يعلم اراف كرة السلة لحتى يصير محترف وبيدخل صاحب بنك وبيحكيلهم انو شيتال نصابة وهي عليها ديوون وما دفعتهم والكل مصدوومين وشيتال بتتوتر وبتقول انتو جايين مشان تهينوني وبتمشي ومانورما بتضحك عليها وبتقول شوفو كيف بتمشي برشاقة ! وشيتال بتنصدم وارناف بيوقف قدام شيتال وبيحكيلها انو الحفلة ما خلصت لسى وبتدخل السيدة شارما واراف بيشوفها وبيروح لعندها بسررعة وبتحكيلهم انو اراف كان عايش معها من هو وصغير بس اجت شيتال واخذتو باخر شهرين واتبنتو وكوشي بتنصدم وبتقول يعني ارااف مو ابنها !! واراف بيحكيلهم انو شيتال حكتلو انو هي امو وانو ارناف ابوه والكل مصدوومين واراف بيقول انو شيتال قالتو كمان انو ارناف تركوا بالملجأ وراح لانو ما بحبو وبيقول انو هي طلبت منو انو يتصرف متل ارناف مشان ارناف يصير يحبو ويخليه يعيش معو وكوشي مصدووومة .. ارناف بيحكيلهم انو شيتال عملت كل هالشي مشان كانت بتعاني من مشكلة الافلاس وقررت انها تنصب علي وقالت لكوشي انو اراف ابني لانو هي متأكدة انو كوشي رح تصدقها وتعمل اي شي مشان يضلو وكوشي مصدوومة وبتبدأ تتذكر اللي صار .. ارناف بيقول انو كوشي كانت رح تضحي بزواجنا وتترك البيت مشان هالشي والعيلة مصدوومين وارناف بيحكي لشيتال انو خطتها كانت ناجحة بس في شي واحد ما فهمو هو تقرير DNA كيف خليته متطابق وكمان بدي احكيلك انو يوم التخرج انا ما شربت اصلا والكل اصروا علي مشان اشرب بس انا ما شربت وعملت حالي سكران وشيتال بتنصدم وبتقول بما انو انت عرفت كل شي رح احكيلك الموضووع ، بعد ما كوشي اخذت شعرة من راسك ومن راس اراف انا بدلت شعرت بشعرة اراف ولهيك طلعت النتيجة متطابقة وبتحكيلو انو هي كان بدها شوية مصاري من اللي عندو واللي ما رح يأثر عليه وارناف بيعصب وبيقول انتي مريضة نفسيا لعبتي بمستوى السكر عند اراف عشان يكون مريض متلي وشيتال بتقول انو الخطة كانت كاملة وكانت رح تنجح اذا هالغبي الصغير ما فتح تمو وكوشي بتعصب وبتضرب شيتال كف بقووة كبيييييييييييرة ( هييييح الكف المنتظر ) .. شيتال بتطلع ع كوشي بصدمة وكوشي بتقول انتي حاولتي تخربي زواجي وحطتي قلب طفل صغير وبتقولي انك ما قتلتي حدا !! وبتجي الشرطة وبياخذو شيتال ( وهيييك بيخلص دوورها )